Испания ОАВ “Реал Мадрид” клуби баъзи ўйинчиларининг спорт тартибига риоя қилмаётгани ҳақида гапиришмоқда. Хусусан, улар Серхио Рамос ҳамда Хесе Родригеснинг деярли тонгги соат 5 атрофида ресторанни тарк этаётганини суратга олишган.
Бироз аввал, жамоа ўйинчилар бирга кечки овқатга бориши ҳақида маълум қилинган эди. Бу каби воқеаларга ўч бўлган испан журналистлари тезда ресторан атрофида пайдо бўлишган. Рамос ва Хесе тонгги соат 4:48да журналистлар эътиборига тушмаслик мақсадида ресторан ходимларини ёрдамга чақиришди. Ходимлар журналистларни чалғитиб турган вақтда, футболчилар машинага ўтириб, кўздан ғойиб бўлишган.
Журналистлар бу “қочоқлар” айнан Рамос ҳамда Хесе эканини футболчиларнинг ресторанда кириш вақтида кадрларга тушган кийимларидан билиб олишган.
