Бокс бўйича Ўзбекистон терма жамоасининг 7 нафар аъзоси Болгария пойтахти Софияда бўлиб ўтган бокс бўйича 66-“Странжа” халқаро мусобақасининг ғолибларига айланиб, умумжамоа ҳисобида энг кўп медаль тўплаган ҳолда (7та олтин, 1та кумуш ва 1 бронза медаллар) биринчи ўринни эгаллади.
12news.uz’нинг хабар беришича, Абдулла Қўчқоров (49 кг), Шаҳобиддин Зоиров (52 кг), Муроджон Аҳмадалиев (56 кг), Бектемир Мелиқўзиев (75 кг), Рустам Тўлаганов (91 кг) ва Баҳодир Жалолов (+91 кг)лар финал жангларида ғолиб бўлди.
Элшод Расулов (81 кг) жароҳат туфайли финал жангида рингга туша олмагани сабабли унга техник мағлубият берилди, натижада у кумуш медал соҳиби бўлди. Яна бир ўзбекистонлик боксчи Мадримов (69 кг) бронза медалини қўлга киритди.
