"Реал" ҳимоячиси Пепе Испания чемпионатида "Вильярреал"га қарши учрашувда (1:1) ўзига кўрсатилган сариқ карточка ҳақида фикр билдирди.
Эслатиб ўтамиз, 32 ёшли португалиялик ҳимоячи 2014 йилнинг май ойидан буён биринчи марта сариқ карточка олди.
"Мен ҳакамга Чичаритога ишлатилган қўполлик учун пенальти белгилаш кераклигини айтгандим, у менга сариқ карточка кўрсатди.
"Вильярреал" - яхши жамоа, улар кўп курашдилар, кўп ҳаракат қилдилар ва бизга ҳалақит бердилар.
У яхши шаклланган жамоа, аммо биз кўп круашишимиз керак эди. Албатта, ёмон ўйнамадик, кўп вазиятлар яратдик", - дейди Пепе.
