"Атлетико" клуби жамоа бош мураббийи Диего Симеоне билан янги шартнома тузишга яқин турибди.

Янги шартномага кўра, аргентиналик мутахассиснинг маоши 2,5 миллион еврога ошади ва йилига 6 миллион еврога етади. Бу "Атлетико"даги энг кўп маош бўлади. Клуб футболчиларидан энг кўп маош оладиган футболчи - бу Коке.

Бундан ташқари Симеоне дунёнинг энг кўп ҳақ оладиган 6 мураббийнинг бирига айланади. Симеонедан кўп ҳақ оладиган мураббийлар - Хосеп Гвардиола («Бавария», 12 млн), Жозе Моуриньо («Челси», 10,2 млн), Арсен Венгер («Арсенал», 8,2 млн), Карло Анчелотти («Реал», 7,5 млн) ва Мануэль Пеллегрини («Манчестер Сити», 6,6 млн).

Аввалроқ, "Атлетико" Симеоне билан шартномасини 2020 йилгача тузиши мумкинлиги хабар қилинган эди.