Франциянинг Куимпер шаҳрида давом этаётган теннис бўйича “Челленжер” туркумига кирувчи, соврин жамғармаси 42 минг 500 евродан иборат бўлган турнирда бугун ярим финал учрашувлари ўтказилади.
Ўзбекистоннинг иккинчи ракеткаси Фаррух Дўстов чорак финалда дунё рейтингида 352-поғонада бораётган француз теннисчиси Максим Тейшерадан 6:4, 6:4 ҳисобида устун келди.
ATP рейтингида 106-ўринни эгаллаб турган ҳамюртимизнинг финал йўлидаги рақиби яна бир мезбон теннисчи Бенуа Пэр бўлади. Рейтингда Дўстовдан бор йўғи бир поғона пастда турган Бенуа ўз вақтида дунёнинг 24-ракеткаси бўлган. Кеча бу фаранг ракетка устаси бельгиялик Максим Оутомни 7:6, 6:2 ҳисобида таслим этган эди
