“Интер” бош мураббийи Роберто Манчини Италия чемпионатининг 26-тури “Наполи”га қарши ўйин олдидан учрашув қийин бўлишини айтиб ўтди. Италиялик мутахассиснинг сўзларига қараганда, унинг жамоаси босқичма-босқич ривожланишда давом этмоқда.
“Ажойиб жамоага қарши жуда оғир ўйин бўлади, керакли натижага эришиш осон бўлмайди. Аммо биз мусобақа жадвалида биздан юқорироқда турган ушбу жамоага қарши энг яхши томонимизни кўрсатмоқчимиз. Агар ғалаба қозонсак, биз учун жуда катта ютуқ бўлади.
“Интер” босқичма-босқич ривожланишда давом этмоқда, баьзида озгина омад етишмаяпти деб ўйлайман. Ҳозир яхши натижаларга эришиш устида ишлаяпмиз. Келаси мавсумда “Интер” скудетто учун курашади”, – деб “СЭ” Football Italia нашрига таяниб Манчини сўзларидан келтиради.
