«Реал» бош мураббийи Карло Анчелотти «Атлетик Бильбао»га қарши ўйиндан (0:1) кейин ўз фикрларини билдириб ўтди.
«Ўйин юқори босим остида ўтди. «Атлетик» яхши ҳимояланди, жипслашган ҳолда ўйнади ва гол урди. Бизнинг муаммомиз ҳимояда эмас, ҳужумда бўлди. Биз тўғри қарор топа олмаяпмиз. Иккита ўйинда пенальтидан битта гол урдик. Ҳужумлардан фойдалана олмаяпмиз. Буни тўғирлаш керак.
Шогирдларим ҳаддан ташқари индивидуал равишда ўйнашди. Қандайдир индивидуал йўл орқали вазиятдан чиқиб кетишга уринишди. Биз секин ўйнаяпмиз, тўп секин юмаламоқда. Тўпга камроқ теккан ҳолда, тезроқ ҳаракат қилиш керак. Тўп ҳужумчиларгача етиб бормаяпти.
Муаммо жисмоний ҳолат билан боғлиқ эмас. Биз яхши прессинг қилдик ва майдоннинг рақиб томонида ўйнадик. Ҳужумдаги ҳаракатларимизни йўлга қўйишимиз керак.
Бу менинг жамоа ва масъулият менинг зиммамда. Лигадаги вазиятимиз оғирлашди, аммо ҳали ҳеч нарса ҳал бўлмади. Тезда вазиятни ўнглашимиз керак», – дейди Анчелотти.