Ўзбекистон суперкубогидан кейин ўтказилган матбуот анжуманида дастлаб "Пахтакор" менежери Самвел Бабаян иштирок этди.

— Бугун мухлислар ҳужумкор ўйин кўришди. Аммо биз мағлуб бўлдик. Бугун 0:4га муносиб эмасдик. Мағлубият учун айбни ўз зиммамга оламан. Лекин 4 марта 0:1га ютқазгандан кўра, бир марта 0:4 ютқазган яхши. Бугунги ўйин бизга ҳали ишлашимиз керак бўлган жойларимиз борлигини кўрсатиб берди.

— Жалолиддин Машариповга ўхшаган футболчилар "Пахтакор" академияси тарбияланувчилари орасида яна борми?
— 1997-98-йилларда туғилган футболчилар орасида яхши ўйинчилар бор. Уларни асосий таркибга тайраб борш борасида иш олиб боряпмиз.

— Терма жамоаларга футболчи етказиб бериш клубнинг зарарига ишламоқда. Бу борада нима дея оласиз?
— Ҳали барқарор ўйин кўрсатиш учун мавсумнинг боши экани халал беради. Жамоамиздаги ҳар бир футболчи борини бериб ўйнайди. Бунга шубҳа қилмайман.

— "Пахтакор" мухлисларининг қилиқлари ҳақида фикрингиз?
— Мен бунга эътибор қаратганим йўқ. Бор эътиборим ўйинда бўлди.

— Жасур Ҳасанов ўтган йили бўлиб ўтган Ўзбекистон кубоги финалида қизил карточка олгани боис, бугунги ўйинда майдонга тушмаслиги керак эди. Жамоа бу борада ЎзПФЛга шикоят ёзадими?
— Энди бунинг аҳамияти йўқ. Биз ютқаздик. Бу борада регламентда нима ёзилганини билмайман. Ортиқча гапга ҳожат йўқ деб ўйлайман.