"Реал" ҳужумчиси Карим Бензема матбуот ва мухлисларнинг танқидига эътибор бермаслигини маълум қилди.
"Реал"га ўтганингдан кейин энга керак бўлган нарса - адашмаслик, ҳатто битта ноаниқ пас узатишга ҳаққинг йўқ. Аввалига қийин бўлади, аммо кейин ўрганиб кетасан. Танқидга кўпроқ менинг оиламга тегади, чунки улар менинг энг биринчи мухлисларим ва матбуотда нима ёзишларини кузатиб боришади.
Мен журналистларнинг ўзимнинг қандай ўйнаганим ҳақида нималар ёзишганига муҳтож эмасман. Уларга шарҳлаш имконияти берилган, аммо улар футбол ҳақида ҳеч нарса билмайдилар, чунки ҳеч қачон профессионал футбол ўйнамаганлар. Шунингдек, кимдир мени буюк футболчи деб аташига ҳам муҳтожмасман. Мен ўз қадримни биламан ва ўз устимда ишлайман", - дейди Бензема.