"Кальяри" жамоаси раҳбарияти бош мураббийи Жанфранко Дзолани истеъфога чиқарди. Бу ҳақда клуб расмий сайти маълумот тарқатди.
А сериянинг 26-туридан кейин "Кальяри" хавфли ҳудудга туриб қолди. Дзола 2014 йилнинг 24 декабрь куни Зденек Земан ўрнини эгаллаганди. Аммо ушбу мутахассисга 3 ой ишлаш ҳам насиб қилмади. У "Кальяри" мураббийлигида 9та ўйинда 2та ғалаба, 2та дуранг ва 5 мағлубият қайд этди.
Маълумотларга кўра, "Кальяри" жамоага Зденек Земакни қайтариши мумкин. Шунингдек, номзодлар орасида Делио Росси, Серси Косми, Клаудио Раньери, Давид Суазо номлари ҳам тилга олинмоқда.
