“Темирйўлчилар”нинг янги аъзоси Руслан Корян эртага футбол бўйича Ўзбекистон чемпионати Олий Лига доирасида бўлиб ўтадиган дастлабки учрашув олдидан кутилаётган натижа борасида қўйидаги фикрларни айтиб ўтди.

- “Локомотив” сафида учта расмий учрашув ўтказдим. Футболчилар билан анча тил топишиб олдим, айниқса, Темурхўжа (Абдуҳолиқов) билан. Тандемимиздан ҳосил бўлган натижага ўзингиз гувоҳи бўлдингиз. Шунга қарамай, ўз устимизда доимий ишлашимиз керак.

Эртага жуда маъсулиятли кун, чунки, Ўзбекистон чемпионатида биринчи бор тўп сураман. “Металлург”га қарши ўйинга ҳам жисмонан, ҳам руҳан тайёрман. Эртанги ўйинда ғалаба қозониш бизнинг асосий мақсадимиз, — дея, фиркларини якунлади Руслан Корян.

Эртага "Локомотив" Олий лига 1-турида Бекободнинг “Металлург” жамоасига қарши тўп суришади.