“Локомотив” жамоаси аъзоси Темурхўжа Абдухолиқов Олий лига 1-турида Бекободнинг “Металлурги”га қарши учрашув олдидан ўз фирклари билан ўртоқлашди.

— “Суперкубокда эришилган йирик ғалабадан сўнг жамоанинг ўзига бўлган ишончи янада ошди. Руслан Корян билан тандемимиз ўз самарасини берганидан ва ўша учрашувда гол киритганимдан бағоят хурсандман.

“Пахтакор”да 3 йил тўп сурдим. Клуб ва мухлислар ҳурмати ўша учрашувдаги голимни нишонламадим. Мен учун мухлислар ҳурмати қадрлидир. Эртанги ўйинга келадиган бўлсак, мен 90 дақиқа майдонда тўп суришга тайёрман. “Локомотив”да дастлабки голни киритдим. Умид қиламанки, голларнинг кети узилмайди, — дейди Темурхўжа Абдухолиқов.

Эслатиб ўтамиз, эртага 15:00 да “темирйўлчилар” сафарда “Металлург” билан баҳс олиб боришади.