Испания профессионал футбол лигаси (LFP) президенти Хавьер Тебас "Барселона" ва "Атлетик" ўртасидаги Испания кубогининг финал учрашуви борасида фикрларини билдирди.
Тахминларга кўра, Каталония ва Басклар давлати вакиллари бўлган ушба икки клуб ўртасидаги учрашувда мухлислар Испания миллий мадҳиясига ҳуштакбозлик қилиши кутилмоқда.
"Бу каби воқеалар аввал бўлиб ўтган, бу анъанага айланиб қолмаслиги керак. Мадҳия ижро этилаёган вақтда ҳуштакбозлик бўлса ўйинни тўхтатиш? Нимага йўқ? Мадҳия ва Қиролга ҳуштакбозлик яхши эмас. Бунинг олдини олиш учун бор кучимни сарфлайман", - дейди Тебас.
Эслатиб ўтамиз, Испания кубоги финал ўйини 30 май куни бўлиб ўтади.
