Хабарингиз бор, 17 март куни “Бунёдкор” ўз майдонида Қатар чемпиони “Лахвия” жамоасини қабул қилади.
16 март куни ҳар иккала жамоа бош мураббийлари ва биттадан етакчи футболчи ўйинолди матбуот анжуманида иштирок этишиб, ОАВ вакиллари саволларига жавоб қайтаришади. Даставвал, соат 17:40да “Лахвия” вакиллари журналистлар билан мулоқотга киришишса, соат 18:20да “қалдирғочлар” матбуот анжуманида иштирок этишади.
Соат 17:00да “Бунёдкор”нинг расмий машғулоти бошланса, 18:00дан эътиборан Микаель Лаудруп бошчилигидаги “Лахвия” футболчилари бир соатдан “Бунёдкор” стадионида шуғулланишади. Ҳар иккала расмий машғулотнинг дастлабки 15 дақиқаси ОАВ вакиллари учун очиқ бўлади.













