Osiyo boks konfederasiyasi (ASBC) 2016 yil sarhisobini qilib, turli nominasiyalarda qit’aning eng yaxshi bokschilarini aniqladi. Bu haqda «KazInform» xabar bermoqda.

Xabarda qayd etilishicha, g‘oliblar ijtimoiy tarmoq foydalanuvchilarining ovoz berish yo‘li orqali aniqlandi. Ular orasidan o‘zbekistonlik ikki nafar bokschi ham o‘rin oldi. Osiyo boks konfederasiyasi Rio–2016 Olimpiya o‘yinlari kumush medali sohibi Shahram G‘iyosovni «Yil kashfiyoti» deb topdi.

«Real» rahbariyati muvaffaqiyatlarini Krishtianu Ronaldu uslubida nishonlaydigan Shahram G‘iyosov bilan aloqaga chiqdi

Yana bir o‘zbekistonlik bokschi Jasurbek Latipov AIBA Pro Boxing (APB) yo‘nalishi bo‘yicha 2016 yilning eng yaxshi bokschisi deb tan olindi.

Qolgan nominasiyalarda quyidagi bokschilar g‘olib bo‘ldi:

Osiyoda yilning eng yaxshi bokschisi – Daniyar Yeleusinov (Qozog‘iston);
Osiyoda yilning eng yaxshi ayol bokschisi – In Junxua (Xitoy);
Osiyoda yilning eng yaxshi yosh bokschisi – Xayato Susumi (YAponiya);
Osiyoda yilning eng yaxshi qiz bokschisi – Pan Sumey (Xitoy);
Osiyoda yilning eng yaxshi o‘smir bokschisi – Kristian Pitt Lorent (Filippin);
Osiyoda yilning eng yaxshi o‘smir qiz bokschisi – Yu Lisay (Xitoy);
Osiyoda yilning eng yaxshi WSB bokschisi – Aslanbek Shimbergenov (Qozog‘iston);
Osiyoda yilning eng yaxshi murabbiyi – Patrisio Gaspi (Filippin);
Osiyoda yilning eng yaxshi supervayzeri – Karina Pikson (Filippin);
Osiyoda yilning eng yaxshi delegati – Billi Vong (Makao);
Osiyoda yilning eng yaxshi referisi – Jinjing Jang (Xitoy).

Qayd etish joiz, Qozog‘iston boks federasiyasi Osiyoda 2016 yilning eng yaxshi milliy boks federasiyasi deb topildi.

Ma’lumot uchun, Rio–2016 Olimpiada chempioni Hasanboy Do‘stmatov Xalqaro havaskor bokschilar assosiasiyasi (AIBA) tomonidan 2016 yilning eng yaxshi bokschisi deb tan olingandi. Bundan tashqari, Do‘stmatov O‘zbekistonda yil sportchisi deb topildi.