Ukraina futbol federasiyasi prezidenti Andrey Pavelko 2018 yilda Rossiyada bo‘lib o‘tadigan jahon chempionati haqida fikr bildirdi.

"Biz jahon chempionatiga borishni istaymiz, ammo u Rossiyada o‘tmasligini juda xohlaymiz. Birinchidan, hozircha yo‘llanmani qo‘lga kiritganimizcha yo‘q. Keling, avval final qismiga chiqishni uddalaylik, keyin borish-bormaslikni hal qilamiz. Ungacha nimadir sodir bo‘lishi, doping va boshqa tekshiruvlar o‘z so‘zini aytib qolishi mumkin. Rossiyaga borish yoki bormaslikni UFF jamoatchilik bilan maslahatlashib hal qiladi", - deydi Pavelko.