Украина футбол федерацияси президенти Андрей Павелко 2018 йилда Россияда бўлиб ўтадиган жаҳон чемпионати ҳақида фикр билдирди.
"Биз жаҳон чемпионатига боришни истаймиз, аммо у Россияда ўтмаслигини жуда хоҳлаймиз. Биринчидан, ҳозирча йўлланмани қўлга киритганимизча йўқ. Келинг, аввал финал қисмига чиқишни уддалайлик, кейин бориш-бормасликни ҳал қиламиз. Унгача нимадир содир бўлиши, допинг ва бошқа текширувлар ўз сўзини айтиб қолиши мумкин. Россияга бориш ёки бормасликни УФФ жамоатчилик билан маслаҳатлашиб ҳал қилади", - дейди Павелко.
