"Yuventus" bosh direktori Juzeppe Marotta klubning transfer bozoridagi ishlari haqida gapirdi.

"Hozirgi trakibimizdagi har bir chiziqdan ko‘nglimiz to‘q. Oktyabrga taqqoslaganda, Rinkonni sotib oldik, Markizio jarohatidan to‘liq qutildi. Shunday ekan, bu yana ikki o‘yinchi degani.

Bundan tashqari "Atalanta"dan Kaldarini sotib oldik, shu sababli ikkita yangi o‘yinchiga egamiz.

Yanvarda ham kelajak uchun ishlaymiz. Biz hozir sotib ololmaydigan futbolchilar bilan gaplashamiz. Biz Kaldarini jamoamizga juda mosligi uchun sotib oldik. Bizda ajoyib himoyachilar bor, ammo ular yosh emaslar, biz esa kelajakni o‘ylashimiz kerak.

Yarimhimoyada yosh italiyaliklar bor va bizga kelasi mavsum uchun top-saviyadagi yarimhimoyachi kerak. Xitoy klublarida mablag‘ ko‘p, ular istalgan o‘yinchi bilan muzokara olib boryaptilar. Bu bizni o‘ylantirishga majbur qilyapti.

Men yanvarda xitoyliklarning bizning o‘yinchilarimizdan kimnidir sotib olishidan qo‘rqmayman, chunki shartnomalar bor", - deydi Marotta.