"Inter" va "Bavariya" klublarining sobiq futbolchisi Lotar Matteus nemis grandi hujumchisi Tomas Myuller haqida fikr bildirdi.
"Myuller chempionatning ikkinchi davrasida "Bavariya"ning asosiy tarkibdan joy olishga yana qiynaladi. Anchelottining sistemasida Myuller uchun maydonda maxsus nuqta yo‘q.
"Bavariya"ning hozirgi taktikasida ko‘proq Levandovskining ortida harakat qiladigan hujumkor yarimhimoyachi kerak. Bunga Tiago Alkantara ixtisoslashgan. Robben o‘ng qanotda Tomasdan yaqqol kuchli. Bundan tashqari Sanshesh ko‘proq maydonga tushadi deb o‘ylayman", - deydi Matteus.
