"Atletik" bosh murabbiyi Ernesto Valverde Ispaniya kubogining 1/8 finalida "Barselona" ustidan qozonilgan g‘alabadan so‘ng (2:1) intervyu berdi.

"Barselona"ni doim ushlab turishning imkoni yo‘q. Biz ularga qarshi yuqori pressingni birinchi marta qo‘llayotganimiz yo‘q, bu ularga qarshi turishning eng yaxshi usuli.

Messining goli o‘yinimizni buzib yubordi va biz himoyaga o‘tib oldik. Bu vaqtga kelib jamoamiz charchab qolgan edi, baxtimizga oxirgi daqiqalarda gol o‘tkazib yubormadik.

G‘olib nomi ochiqligicha qolyapti. "Kamp Nou"da o‘ynash har doim qiyin bo‘lgan - bu stadionda vaqt sekin o‘tadi.

Natijadan mamnunmiz va endi javob uchrashuviga tayyorlanamiz", - deydi Valverde.