"Атлетик" бош мураббийи Эрнесто Вальверде Испания кубогининг 1/8 финалида "Барселона" устидан қозонилган ғалабадан сўнг (2:1) интервью берди.
"Барселона"ни доим ушлаб туришнинг имкони йўқ. Биз уларга қарши юқори прессингни биринчи марта қўллаётганимиз йўқ, бу уларга қарши туришнинг энг яхши усули.
Мессининг голи ўйинимизни бузиб юборди ва биз ҳимояга ўтиб олдик. Бу вақтга келиб жамоамиз чарчаб қолган эди, бахтимизга охирги дақиқаларда гол ўтказиб юбормадик.
Ғолиб номи очиқлигича қоляпти. "Камп Ноу"да ўйнаш ҳар доим қийин бўлган - бу стадионда вақт секин ўтади.
Натижадан мамнунмиз ва энди жавоб учрашувига тайёрланамиз", - дейди Вальверде.
