"Arsenal" hujumchisi Aleksis Sanches Angliya kubogi uchinchi bosqichida "Preston Nort End" klubiga qarshi o‘yinni o‘tkazib yuboradi (7 yanvar).

"Kanonirlar" bosh murabbiyi Arsen Vengerning fikriga ko‘ra chililik futbolchi hordiq chiqarishi kerak.

"Aleksis har doim o‘ynashni istaydi va uni maydonga tushirmasam ajablanadi Boshqa tomondan uni ko‘p o‘ynatganim uchun meni tanqid qilishadi.

Nima bo‘lganda ham unga yanvar oyida dam berishga qaror qildim. U terma jamoasi o‘yinlari uchun Chiliga uchishini unutmaslik kerak. 2 ming mil masofani bosib o‘tib, yana maydonga tushishi kerak.

Har bir odamga dam kerak. Aleksis jismonan va ruhan toliqdi. Bu sezilmoqda", - deydi Venger.

Sanches ushba mavsumda 20 uchrashuv o‘tkazib, bir marta almashtirilgan. Uning hisobida 13ta gol bor.