"Арсенал" ҳужумчиси Алексис Санчес Англия кубоги учинчи босқичида "Престон Норт Энд" клубига қарши ўйинни ўтказиб юборади (7 январь).
"Канонирлар" бош мураббийи Арсен Венгернинг фикрига кўра чилилик футболчи ҳордиқ чиқариши керак.
"Алексис ҳар доим ўйнашни истайди ва уни майдонга туширмасам ажабланади Бошқа томондан уни кўп ўйнатганим учун мени танқид қилишади.
Нима бўлганда ҳам унга январь ойида дам беришга қарор қилдим. У терма жамоаси ўйинлари учун Чилига учишини унутмаслик керак. 2 минг миль масофани босиб ўтиб, яна майдонга тушиши керак.
Ҳар бир одамга дам керак. Алексис жисмонан ва руҳан толиқди. Бу сезилмоқда", - дейди Венгер.
Санчес ушба мавсумда 20 учрашув ўтказиб, бир марта алмаштирилган. Унинг ҳисобида 13та гол бор.
