«Mash’al» ko‘rigida rossiyalik Konstantin Belov va estoniyalik Maksim Lipin futbolchi ko‘rikdan o‘tmoqda.
Marhamat, ular bilan tanishing.
Maksim Lipin (Estoniya)
Maksim “Puuma” futbol maktabida taxsil olgan. U 19 yoshida o‘zining birinchi professional shartnomasini “Infonet” klubi bilan imzolaydi. Shu yili “Infonet” jamoasida 26 ta gol kiritishga muvaffak bo‘ladi va jamoasini Estoniya primer ligasiga olib chiqishiga o‘z xassasini qo‘shadi. Maksim Lipin 2015 yilda mamlakat chempioni FK “Levadia” bilan imzolaydi. Ammo u mavsum yarimiga kelib jiddiy jarohat oladi va mavsum oxiriga qadar maydonga tusha olmaydi. 2016 yil FK “Sellamyaye Kalev” jamoasiga o‘tadi. 22 yoshli futbolchi 2016 yilgi mavsumda Estoniya Premyer-ligasida 34 ta uchrashuvda maydonga tushgan va raqiblar darvozasiga ikki bor yo‘l topa olgan. Shuningdek u Estoniya Olimpiya terma jamoasi a’zosi hisoblanadi. Ampluasi yarim himoyachi, yakka kurashlarda ancha tezkor,
Ayni vaqtda Lipin «Mash’al» ko‘rigida bo‘lib turibdi. Uning harakatlari murabbiylarga ma’qul kelsa yangi masumda futbolchi bilan shartnoma imzolanadi.
Konstantin Belov (Rossiya)
Konstantin Belov futbolning sir asrorlarini bolalar murabbiysi Vasiliy Karpov rahnamoligida Turkmanistonning Ashxobod shahrida puxta egallay boshlaydi. U 1997-1998 yillirda Rossiyaning «Nogins» jamoasi futbol akademiyasida tahsil olgan, 1998 yildan 2008 yilga qadar Moskva «Lokomotiv» klubining yoshlar jamoasida to‘p tepgan. 2008 yilda Belov «Amkar» jamoasiga ko‘chib o‘tadi va bu jamoaning ham yoshlari safida faoliyatini davom ettiradi. Kostyaga bir yildan so‘ng «Moskva» jamosidan taklif tushdi. Futbolchi «Moskva» jamoasi tarqatib yuborilgunga qadar jamoada qoladi. 2010 yilda professional faoliyatini «Ryazan» jamoasida davom ettiradi.
Ayni vaqtda Belov «Mash’al» ko‘rigida bo‘lib turibdi. Uning ham harakatlari murabbiylarga ma’qul kelsa yangi masumda futbolchi «Mash’al» a’zosiga aylanadi.
