"Arsenal" yarimhimoyachisi Aaron Remzi ANgliya kubogi 1/32 finalida "Preston" ustidan qozonilgan g‘alabadan so‘ng (2:1) fikr bildirdi.
"Birinchi bo‘lim juda qiyin o‘tdi. Men chempionshipda o‘ynaganman va bu musobaqa jamoalariga qarshi o‘ynash qanchalik qiyinligini bilaman. Ikkinchi bo‘limda o‘zimizni ko‘rsatishimiz kerak edi. Birinchi bo‘limda "Arsenal"ga xos bo‘lmagan o‘yin ko‘rsatganimizni hammamiz tushundik.
Ikkinchi bo‘lim boshida gol urib, jamoamga impuls berganimdan xursandman. "Arsenal" ko‘pincha o‘yin oxirida gol urmoqda, chunki u o‘ziga ishonadi. Ammo biz yaxshiroq o‘ynab, ishimizni osonlashtirishimizni istardik", - deydi Remzi.
