«Mash’al» klubiga taklif qilingan futbolchi Abdulloh Olimov o‘z fikrlari bilan o‘rtoqlashdi.
«O‘tgan mavsumni «Qo‘qon-1912» jamoasi tarkibida o‘tkazdim va jamoaga imkon qadar yordam berishga harakat qildim, ammo ba’zi bir o‘yinlarda murabbiylar meni zaxirada qoldirishdi.
Shartnomam yakuniga yetgach jamoani o‘zgartirishga qaror qildim. Oldimda bir qancha variantlar bor edi va men ikkilanishsiz «Mash’al»ni tanladim, boisi bu klub ancha beqaror va mustahkam poydevorga hamda o‘zbek futbolida o‘z mavqe’siga ega bo‘lgan jamoadir. Shartnomada ko‘rsatilgan bandlar meni qoniqtirdi shu bois «Mash’al» bilan ikki yillik kelishuvga imzo chekdim.
Endilikda «Mash’al» jamoasining menga bildirgan ishonchini oqlab, muvaffaqiyatiga o‘z hissamni qo‘shmoqchiman.
Klub bosh direktori Ilhom Qurbonov, Jamoa rahbari Dilyaver Vaniyev va bosh murabbiy Aleksandr Xomyakov bilan suhbatlashdim. Ular meni yaxshi kutib olishdi va buning uchun ularga o‘z minnatdorchiligimni bildiraman» - dedi futbolchi.
