"Barselona" 2017 yilda o‘tkazgan ikkinchi uchrashuvida ham g‘alaba qozona olmadi. Kataloniyaliklar so‘nggi daqiqada mag‘lubiyatdan qutulib qolishdi.

Ispaniya chempionatining 17-turi doirasida o‘tkazilgan o‘yinda "Vilyarreal" futbolchilari yuqori konsentrasiya va katta ishtiyoq bilan o‘tkazishdi. Ularning qarshi hujumdagi urinishlari ikkinchi bo‘lim boshida o‘z samarasini berdi. Patodan uzatma qabul qilgan Sansone aniq zarba bilan olis burchakni ishg‘ol qildi.

O‘tkazib yuborilgan goldan keyin "Barsa" tezroq o‘ynay boshladi. 75-daqiqada Messi yo‘llagan zarbani darvoza ustuni qaytardi. Boshqa vaziyatlarda "sariq suvosti kemasi"si posboni Asenxo yaxshi harakat qildi. 90-daqiqada esa "Vilyarreal" darvozasi tomon jarima zarbasi belgilandi. Messi 25 metrlardan o‘ta aniq zarba bilan naq "to‘qqizlik"ni nishonga oldi.

Bu gol kataloniyaliklarga bor-yo‘g‘i bir ochkoni taqdim etdi. Natijada jamoa jadvalda 3-o‘ringa tushib qoldi hamda bitta o‘yin kam o‘tkazgan "Real"dan 5 ochko ortda qolmoqda.

Ispaniya La ligasi, 17-tur
VILYARREAL - BARSELONA - 1:1 (0:0)
Gollar: 1:0 – 49 Sansone, 1:1 – 90 Messi.
Vilyarreal – Asenxo, Musakkyo (Alvaro Gonsales, 87), Kosta, Mario Gaspar, Ruis, Soriano, Trigeros, Soriano (Rodri Ernandes, 83), Dos Santos, Sansone, Pato (Kastilyexo, 76).
Barselona – ter Stegen, Suares, Pike, Din (Turan, 71), Buskets, Maskerano, Andre Gomesh (Suares, 68), Serji Roberto, Inyesta, Messi, Neymar.
Ogohlantirishlar: Kosta (70), Serji Roberto (78), Sansone (78), Pike (83).