Iordaniyaning Amman shahrida 21 yanvar kuni ayollar o‘rtasida bo‘lib o‘tadigan Osiyo Kubogi–2018 turnirining saralash bosqichiga qur’a tashlash marosimi bo‘lib o‘tadi.

Qur’a tashlash marosimi Amman shahridagi Grand Hyatt Amman mehmonxonasida bo‘lib o‘tadi. Saralash bosqichida Osiyo futbol konfederasiyasi (OFK)ga a’zo barcha mamlakatlar, shu jumladan, O‘zbekiston ham ishtirok etadi. Faqatgina Pokiston terma jamoasi diskvalifikasiya sababli turnirda ishtirok etmaydi.  Iordaniya mezbon sifatida saralashdan o‘tmaydi.  Demak, jami 45 mamlakat terma jamoasi musobaqaning final bosqichiga yo‘l olish uchun kurash olib boradi.

Osiyo Kubogi–2018 turniriga saralash bosqichi 2017 yilning 3–11 aprel kunlari  Iordaniyada o‘tkaziladi. Eng kuchli 8 jamoa musobaqaning final bosqichiga yo‘l oladi.

Osiyo Kubogining final bosqichi 2018 yilning 7–22 aprel kunlari Iordaniyada bo‘lib o‘tadi. Unda 8 jamoa ikki guruhga bo‘lingan holda o‘zaro bahs olib boradi.  Guruhda 1–2 o‘rinlarni egallagan jamoalar yarim finalga chiqadi hamda ayollar o‘rtasida 2019 yili Fransiyada bo‘lib o‘tadigan Jahon chempionatiga yo‘llanma oladi.