"Barselona" hujumchisi Lionel Messi jarima zarbasini golga aylantirish bo‘yicha kataloniyaliklarning sobiq futbolchisi Ronald Kumanga tenglashib oldi.
Ispaniya kubogi nimchorak finalida "Atletik"ga qarshi javob uchrashuvining 78-daqiqasida Messi jarimadan gol urib, keyingi bosqich masalasini hal qildi (3:1).
Bu argentinalik futbolchining jarimadan kiritgan 26-to‘pi bo‘ldi, Kuman hisobida ham shuncha gol bor. Bu klub tarixida eng yaxshi natija. Gollandiyalik mutaxassis bu ntaija bilan argentinalikni tabrikladi.
"Mening tabriklarim, Leo! Yangi rekord uchun bitta gol qoldi", - deb yozadi "Everton" murabbiyi tvitterga.
