Angliyaning «Manchester Siti» klubi yozda amalga oshirmoqchi bo‘lgan shov-shuvli transferi kim bo‘lishi aniq bo‘ldi.
El Confidencial nashri bergan xabarga ko‘ra, «shaharliklar» bosh murabbiyi Xosep Gvardiola jamoaga «Yuventus» hujumchisi Paulo Dibalani olib kelmoqchi. Gvardiola Aguero va Gabriel Jezuslar qatorida yana universal hujumchi bo‘lishini xohlamoqda va buning uchun Dibala asosiy nomzod bo‘lib turibdi.
Hozircha manchesterliklar taklif qilishi mumkin bo‘lgan taxminiy summa borasida ham ma’lumotlar yo‘q. Oldinroq «Real» klubi futbolchi uchun 90 million yevro berishga tayyorligi haqida xabarlar tarqalgandi.
Eslatib o‘tamiz, Dibala «Palermo» safida to‘p surib yurgan paytlarida, unga qaysi jamoalarni yoqtirasiz, deb berilgan savoliga «Barselona» va «Manchester Siti» jamoalarini yoqtirishini, dam olish paytida smulyator o‘yinlarini o‘ynaganda aynan shu ikki jamoani doimiy ravishda tanlashini aytib kelgan.
