"Yuventus" yarimhimoyachisi Miralem Pyanich jamoadoshi Paulo Dibala bilan birga o‘ynash o‘ziga zavq berishini ma’lum qildi.
"Oxirgi vaqtlarda hujumchi ortida o‘ynadim, bu menga yoqdi. Men ham, Dibala ham maydonda erkin harakatlanish imkoniyatini oldik, shuning uchun birgalikda yaxshi o‘ynayapmiz. Paulo bilan o‘ynash, o‘zgacha zavq. U bilan maydonda bir-birimizni "avtomatik" tushunyapmiz.
Ko‘p mavsumlar davomida o‘z o‘yinimiz usulini o‘zgartirib bordik, bu yaxshi jamoa uchun normal holat. Eng yaxshi jamoalar o‘yin uslubini o‘yindan o‘yinga emas, bir o‘yinning o‘zidayoq o‘zgartira oladilar", - deydi Pyanich.
