«Sevilya» klubi «Real» himoyachisi Serxio Ramosni, Ispaniya kubogidan o‘rin olgan o‘yinda (3:3) amalga oshirgan penaltidan so‘ng muxlislarga ko‘rsatgan ishoralari tufayli, Ispaniya futbol federasiyasi tomonidan jazolanishini talab qilmoqda.
Andalusiya klubi futbolchining hatti-harakatlarini muxlislarni zo‘ravonlikka gij-gijlash uchun bo‘lgan urinish deb hisoblamoqda.
Bundan tashqari, «Sevilya» o‘yin davomida Ramosga qarshi hushtakbozlik qilgan muxlislarining bu ishini ham qoralagan.
Eslatib o‘tamiz, Serxio Ramos aynan «Sevilya» klubidan «Real» tarkibiga o‘tgan edi.
