O‘tgan mavsum Qarshining «Nasaf» jamoasi tarkibida ajoyib o‘yinlari sababli Yaponiyaning «Jubilo Ivata» jamoasiga ko‘chib o‘tgan Fozil Musayev «J» ligada o‘ynovchi ilk O‘zbekistonlik futbolchiga aylandi.

«Yaponiya ligasining birinchi o‘zbekistonlik futbolichisi bo‘lish men uchun quvonarli holat. Qolaversa bu katta ma’suliyat yuklaydi. O‘zbekiston sharafini himoya qilaman va bizning futbolimizga bo‘lgan e’tiborni oshirishga harakat qilaman. Shu bilan birga Osiyoning eng kuchli ligalaridan birida to‘p tepish imkoniyatiga ega bo‘layotganimni takdilab o‘tishim mumkin», - deydi Fozil Musayev.

Navbatdagi maqolamiz orqali Fozil Musayevning yangi jamoasi haqida qisqacha ma’lumotlarni berib o‘tamiz.

Marhamat:

1. «Jubilo Ivata» jamoasi 1970 yili tashkil topgan.

2. Jamoa 1994 yildan buyon «J» ligada qatnashib kelmoqda.

3. Uy o‘yinlarini «Yamaxa» stadionida o‘tkazadi.

4. To‘rt karra Yaponiya chempioni.

5. O‘tgan mavsumni Xirosi Nanami boshchiligada o‘tkazib, 13-o‘rinda yakunladi.

6. 1982, 2003 yillarda «Imperator kubog»i sohibi, 1989, 2004 yilgi finalchi.

7. Klub prezidenti Yosio Mabuti.