Belgiya terma jamoasi futbolchisi Aksel Vitselning rasmiy vakili Alen Goble mijozining "Tyanszin Syuanszyan" klubiga o‘tishini sharhladi.
Futbolchi Xitoy klubida yiliga 17 million yevro ishlab topadi.
"Avvalambor aytishim mumkinki, Aksel hozir juda baxtiyor. U aynan shunday bo‘lganidan xursand. Uning hissiyotlarini tasvirlab berolmayman.
Aksel faoliyatini tugatganidan so‘ng bosh direktor bo‘ladi. U Belgiyadagi kompaniya aksioneri hisoblanadi. Uning nomi - LindSky. Tushunganingizdek, bu parvozlar bilan bog‘liq kompaniya. Iqtisodiy gazeta muxbiri bilan suhbatimizdan so‘ng Xitoydan takliflar va buyurtmalar ko‘payib ketdi. Gap Vitsel aksiyador bo‘lgan kompaniya haqida ketmoqda.
Aksel hozir Belgiyada, u hali Xitoyda to‘liq bo‘lib ulgurgani yo‘q. Uning Xityoni tanlaganiga bir nechta sabab bor, birinchidan, maosh, ikkinchidan, bu kelajak. Xitoy bozori Yevropanikidan ancha katta. Hozir shuhrat orttirib olish kerak, keyin undan foydalaniliadi", - deydi Goble.