Sky Sports eksperti Jeymi Rednapp Armaniston terma jamoasi futbolchisi Genrix Mxitaryanning "MYU" o‘yiniga ta’siri haqida fikr bildirdi.

"Men "shporlar" "Old Trafford"dan osongina durangni olib ketishi mumkin bo‘lgan o‘yinni ko‘rdim, ammo maydonga Mxitaryan tushdi va jamoasiga kerakli natija taqdim etdi. U "Yunayted"ning o‘yiniga o‘zgacha shukuh olib kirdi va uni yangi saviyaga ko‘tardi.

Men Jeymi Karragerning so‘zlarini yaxshi eslayman, u Mxitryanning bu darajadagi o‘yiniga Mourinyoning qo‘llagan uslub sabab bo‘lganini aytgan edi. Shaxsan men boshqacha o‘ylayman, Genrix agar birinchi davrada ko‘proq maydonga tushganida nimalar qilishi mumkinligini isbotladi.

Ibrohimovich va Pogba juda yaxshi ish bajarishdi. Jamoada ikkita dunyo darajasidagi o‘yinchining bo‘lgani katta yutuq, ammo katta hajmdagi, qora ishlarni bajaruvchi ham muhim. Bu o‘yinchi - Genrixdir.

Mourinyoning hulqi ham o‘zgardi. Mavsum boshida u ko‘p narsadan norozi bo‘lar edi. Bu kiyinish xonasiga ta’sir qildi. Ammo kerakli natijalar kelgach, klubga boim pasaydi, jamoa o‘ziga xos bo‘lgan hujumkor futbol, jangovar ruh ko‘rsatmoqda. Mxitaryan bu jamoaning muhim bo‘lagi hisoblanadi", - deydi Rednapp.