Sky Sports эксперти Жейми Рэднапп Арманистон терма жамоаси футболчиси Генрих Мхитаряннинг "МЮ" ўйинига таъсири ҳақида фикр билдирди.
"Мен "шпорлар" "Олд Траффорд"дан осонгина дурангни олиб кетиши мумкин бўлган ўйинни кўрдим, аммо майдонга Мхитарян тушди ва жамоасига керакли натижа тақдим этди. У "Юнайтед"нинг ўйинига ўзгача шукуҳ олиб кирди ва уни янги савияга кўтарди.
Мен Жейми Каррагернинг сўзларини яхши эслайман, у Мхитряннинг бу даражадаги ўйинига Моуриньонинг қўллаган услуб сабаб бўлганини айтган эди. Шахсан мен бошқача ўйлайман, Генрих агар биринчи даврада кўпроқ майдонга тушганида нималар қилиши мумкинлигини исботлади.
Иброҳимович ва Погба жуда яхши иш бажаришди. Жамоада иккита дунё даражасидаги ўйинчининг бўлгани катта ютуқ, аммо катта ҳажмдаги, қора ишларни бажарувчи ҳам муҳим. Бу ўйинчи - Генрихдир.
Моуриньонинг ҳулқи ҳам ўзгарди. Мавсум бошида у кўп нарсадан норози бўлар эди. Бу кийиниш хонасига таъсир қилди. Аммо керакли натижалар келгач, клубга боим пасайди, жамоа ўзига хос бўлган ҳужумкор футбол, жанговар руҳ кўрсатмоқда. Мхитарян бу жамоанинг муҳим бўлаги ҳисобланади", - дейди Реднапп.
