«Liverpul» himoyachisi Joel Matip APL 21-turidan o‘rin olgan «Manchester Yunayted» klubiga qarshi o‘yinda maydonga tushmaydi.
Daily Mail xabariga ko‘ra, Klopp murabbiylar shtabi Kamerun futbol federasiyasi (KFF) bilan yuzaga kelgan nizo sababli futbolchining xizmatidan foydalana olmaydi.
Matip Afrika kubogida ishtirok etish uchun Kamerun terma jamoasidan chaqiruv olgan edi. Ammo futbolchi «Liverpul» safida qolib, APLning muhim o‘yinlarida jamoasiga yordam berishni ma’qul ko‘rdi.
Natijada, KFF FIFA tashkilotiga arz qilib, futbolchining qaroriga ta’sir qilishni so‘radi. FIFA esa futbolchini navbatdagi 2 o‘yinda jamoasi safida maydonga tushishini ta’qiqladi.
