«Ливерпуль» ҳимоячиси Жоэль Матип АПЛ 21-туридан ўрин олган «Манчестер Юнайтед» клубига қарши ўйинда майдонга тушмайди.
Daily Mail хабарига кўра, Клопп мураббийлар штаби Камерун футбол федерацияси (КФФ) билан юзага келган низо сабабли футболчининг хизматидан фойдалана олмайди.
Матип Африка кубогида иштирок этиш учун Камерун терма жамоасидан чақирув олган эди. Аммо футболчи «Ливерпуль» сафида қолиб, АПЛнинг муҳим ўйинларида жамоасига ёрдам беришни маъқул кўрди.
Натижада, КФФ ФИФА ташкилотига арз қилиб, футболчининг қарорига таъсир қилишни сўради. ФИФА эса футболчини навбатдаги 2 ўйинда жамоаси сафида майдонга тушишини таъқиқлади.
