Angliya chempionatining 21-turi doirasida "Manchester Yunayted" o‘z maydonida "Liverpul"ni qabul qildi.

Birinchi bo‘limda Mourinyo shogirdlari bir necha imkoniyatlardan foydalana olishmadi. Aksincha, burchakdan yetkazilgan uzatma uchun sakrash paytida to‘p Pogbaning qo‘liga tekkani bois, "MYU" darvozasi tomon penalti belgilandi. Jeyms Milner undan samarali foydalanib, hisobni ochdi.

Ikkinchi bo‘limda mankunianliklar bosimni oshirishdi va o‘yin so‘ngida hisobni tenglashtirishga muvaffaq bo‘lishdi. Runi jarima maydonchasining ichida — chap tomonida to‘pni egalladi va darvozabon maydonchasiga yetkazdi. Fellaynining bosh bilan zarbasidan keyin to‘p ustunga tegib qaytdi. Valensiya to‘pga yetib keldi va Ibrahimovichga pas berdi. Zlatan bosh bilan bergan zarbadan keyin to‘p to‘singa tegib, chiziqni kesib o‘tdi.

Ushbu durangdan keyin "Liverpul"ning ochkolari 45taga, "MYU"niki esa 40taga yetdi.

APL, 21-tur.21:00
"MANCHESTER YUNAYTED" - "LIVERPUL" - 1:1 (0:1, 1:0)
Gollar: 0:1 – 27, penalti Milner, 1:1 – 84 Ibrahimovich.
Manchester Yunayted – De Xea, Roxo, Djons, Darmian (Fellayni, 76), Valensiya, Errera, Kerrik (Runi, 46), Pogba, Mxitaryan, Marsyal (Mata, 65), Ibrahimovich.
Liverpul – Minyole, Aleksander-Arnold, Klavan, Lovren, Djan, Xenderson, Lallana, Veynaldum, Firmino, Milner, Origi (KoutinYO, 61).
Ogohlantirishlar: Lovren (31), Veynaldum (61), Errera (90), Firmino (90).