Англия чемпионатининг 21-тури доирасида "Манчестер Юнайтед" ўз майдонида "Ливерпуль"ни қабул қилди.

Биринчи бўлимда Моуриньо шогирдлари бир неча имкониятлардан фойдалана олишмади. Аксинча, бурчакдан етказилган узатма учун сакраш пайтида тўп Погбанинг қўлига теккани боис, "МЮ" дарвозаси томон пенальти белгиланди. Жеймс Милнер ундан самарали фойдаланиб, ҳисобни очди.

Иккинчи бўлимда манкунианликлар босимни оширишди ва ўйин сўнгида ҳисобни тенглаштиришга муваффақ бўлишди. Руни жарима майдончасининг ичида — чап томонида тўпни эгаллади ва дарвозабон майдончасига етказди. Феллайнининг бош билан зарбасидан кейин тўп устунга тегиб қайтди. Валенсия тўпга етиб келди ва Ибраҳимовичга пас берди. Златан бош билан берган зарбадан кейин тўп тўсинга тегиб, чизиқни кесиб ўтди.

Ушбу дурангдан кейин "Ливерпуль"нинг очколари 45тага, "МЮ"ники эса 40тага етди.

АПЛ, 21-тур.21:00
"МАНЧЕСТЕР ЮНАЙТЕД" - "ЛИВЕРПУЛЬ" - 1:1 (0:1, 1:0)
Голлар: 0:1 – 27, пенальти Милнер, 1:1 – 84 Ибраҳимович.
Манчестер Юнайтед – Де Хеа, Рохо, Джонс, Дармиан (Феллайни, 76), Валенсия, Эррера, Кэррик (Руни, 46), Погба, Мхитарян, Марсьяль (Мата, 65), Ибраҳимович.
Ливерпуль – Миньоле, Александер-Арнолд, Клаван, Ловрен, Джан, Хендерсон, Лаллана, Вейналдум, Фирмино, Милнер, Ориги (Коутиньо, 61).
Огоҳлантиришлар: Ловрен (31), Вейналдум (61), Эррера (90), Фирмино (90).