Марказий ҳимоячи Альваро Кортес янги мавсумдан бошлаб «Барселона»нинг асосий жамоасида тўп суради.
«Кўк-анорранглилар» дубли сардори бош мураббий Ханс-Дитер Фликда катта таассурот қолдирди. Журналист Жауме Мерсенинг хабар беришича, 21 ёшли футболчига тез орада асосий таркибга ўтказилиши ҳақида аллақачон маълум қилинган. Агар ёзда кутилмаган ҳолатлар юз бермаса, ёш испаниялик футболчи мавсумолди тайёргарлик жараёнида асосий таркибдан жой олиш учун курашиш имкониятига эга бўлади.
Альваро Кортес жорий мавсумда «Барселона Б» сафида 26 та ўйинда майдонга тушиб, ўз ҳисобига 3 та гол ва 2 та голли узатмани ёздириб қўйди. Чап оёқда ҳаракат қилувчи марказий ҳимоячининг амалдаги шартномаси 2028 йилгача мўлжалланган.
