Dortmundning «Borussiya» klubi hujumchisi Per-Emerik Obameyang «Real» klubiga o‘tishi mumkinligi haqidagi xabarlarga izoh berdi.

«Madridga o‘tishim haqidagi gaplarni to‘xtatish lozim. Hozir bu gaplarning mavridi emas. Bundan tashqari Dortmundda o‘zimni yaxshi his qilmoqdaman.

Albatta biz top-klubmiz, ammo «Barselona», «Real» yoki «Bavariya» bilan teng emasmiz.

Xitoy 150 million taklif qilyapti? Men uchun shuncha pul taklif qilishayotgani yoqimli. Ammo bu gaplarning qanchalik rost ekanini tekshirib ko‘rish lozim. Bunga ahamiyat bermayman. Mening orzu va maqsadlarim o‘zgacha» - dedi Obameyang RMC xabarida.