«Arsenal» hujumchisi Aleksis Sanches Ispaniya soliq xizmatidan 1 mln yevro qarz bo‘lgan.
The Sun xabariga ko‘ra, futbolchining o‘zi sud mahkamasida videomuloqot orqali buni tan olgan.
Sanches «Barselona»da o‘ynab yurganida ikki marta soliqlardan bo‘yin tovlagani, birinchi marta 2012 yili 588 ming yevro, ikkinchi marta 2013 yili 395 ming yevro soliqni to‘lamaganini ma’lum qilgan.
Ta’kidlanishicha, ayni paytda futbolchi bu qarzdorlikdan qutilgan. Shunga qaramay uni katta miqdora jarima yoki shartli qamoq jazosi kutmoqda.
Eslatib o‘tamiz, xuddi shunday holatga yo‘liqqan Lionel Messi 21 oylik shartli qamoq jazosiga mahkum qilingan edi.
