«Арсенал» ҳужумчиси Алексис Санчес Испания солиқ хизматидан 1 млн евро қарз бўлган.
The Sun хабарига кўра, футболчининг ўзи суд маҳкамасида видеомулоқот орқали буни тан олган.
Санчес «Барселона»да ўйнаб юрганида икки марта солиқлардан бўйин товлагани, биринчи марта 2012 йили 588 минг евро, иккинчи марта 2013 йили 395 минг евро солиқни тўламаганини маълум қилган.
Таъкидланишича, айни пайтда футболчи бу қарздорликдан қутилган. Шунга қарамай уни катта миқдора жарима ёки шартли қамоқ жазоси кутмоқда.
Эслатиб ўтамиз, худди шундай ҳолатга йўлиққан Лионель Месси 21 ойлик шартли қамоқ жазосига маҳкум қилинган эди.
