"Sevinch" jamoasi futbolchilari kechadan o‘z qarorgohida yig‘ilishdi va  qishki o‘quv-yig‘in mashg‘ulotlarini boshlashdi.

Mashg‘ulotlar asosan “Geolog” arenasida bo‘lib o‘tmoqda. Chunki, jamoa har yilgidek, futbol mavsumini 22 yanvarda boshlanadigan, mini futbol (futzal) bo‘yicha XIII O‘zbekiston chempionatidagi ishtiroki bilan boshlaydi.

Shu kunlarda “Sevinch” jamoasining ko‘plab futbolchilari Olmaliq shahrida terma jamoa safidagi yig‘inda ishtirok etmoqda. Ular 20 yanvardan safga qo‘shilishadi. Mashg‘ulotlar kuniga ikki mahaldan o‘tkazilmoqda.

“Sevinch” jamoasi 22 yanvar kuni Toshkent shahriga tashrif buyuradi va mini futbol bo‘yicha chempionat uchrashuvlarini boshlaydi.

Eslatib o‘tamiz, mini futbol bo‘yicha ayollar o‘rtasidagi XIII O‘zbekiston chempionatining 1-turi 22-27 yanvar kunlari Toshkent shahridagi “Yoshlik” arenasida bo‘lib o‘tadi.