Bugun "Olmaliq" Antaliyada o‘zining dastlabki o‘rtoqlik o‘yinini o‘tkazdi.
Jamoaga Qozog‘istonning "Akjayik" jamoasi sparring raqib vazifasini o‘tadi. Yomg‘ir ostida kechgan bahsda futbolchilar har tomonlama raqibdan ustunlik qilgan holda yirik g‘alabani tantana qilishdi. Birinchi taymning 19-daqiqasida Muhammad Isayev himoyachidan to‘pni olib qo‘ydi va darvozabon bilan birga-bir vaziyatga chiqdi. U bir urinishda raqib posbonidan ham o‘tgan vaziyatda unga nisbatan qo‘pollik ishlatildi. Zabihillo O‘rinboyev bu jarima to‘pini darvozaga aniq yo‘llab hisobni ochdi. Ikkinchi taymdagi o‘zgarishlar o‘yin shiddatini yanada oshirdi. 64-daqiqada Alibobo Rahmatullayev uzoq masofadan jamoaning ikkinchi goli muallifi bo‘ldi. Oradan 5 daqiqa o‘tib Dilshod Jo‘rayev hisobni yirik ko‘rinishga olib keldi.
Bu uchrashuvda jamoa safida yana ikki futbolchi ko‘rinish berdi. Ikkinchi taymda xorvatiyalik markaziy yarim himoyachi Yosip Soljich va hujumchi Viktor Klishin hozircha jamoada ko‘rikdan o‘tmoqda.
Uchrashuvda "Olmaliq" quyidagi tarkibda maydonga tushdi.
O‘rtoqlik uchrashuvi.
17 yanvar. Turkiya, Belek.
"Olmaliq" - "Akjayik" (Qozog‘iston) 3:0
Gollar: Zabihillo O‘rinboyev 19, Alibobo Rahmatullayev 64, Dilshod Jo‘rayev 69.
"Olmaliq": Akbar To‘rayev, Xurshid Muxtorov, Shavkat Mullajonov, Vladislav Kasminin, Islom Inomov, Altimurot Annadurdiyev, Dilshod Jo‘rayev, Igor Yelich, Alibobo Rahmatullayev, Muhammad Isayev, Zabihillo O‘rinboyev.
Zaxiradan maydonga tushganlar: Momchilo Dulovich, Yosip Soljich, Rahmatillo Berdimurodov, Shohnazar Norbekov, Doniyor Usmonov, Abduqahhor Hojiakbarov, Viktor Klishin, G‘ulomhaydar G‘ulomov, Xurshid Xodjayev, Azizbek Suyunov, Murod Rajabov.
