"The Daily Mail" tadqiqot olib borib, Angliya Premyer-ligasi klublarining so‘nggi yillardagi transfer faoliyatiga baho berdi.

Angliyada transferlar uchun eng ko‘p pul sarflayotgan klub «Manchester Siti» ekani aniq bo‘ldi. "Shaharliklar" so‘nggi 5 yil davomida futbolchi sotib olish uchun 565,65 million funt sterling miqdorida mablag‘ sarf qilishgan bo‘lsa, o‘yinchi sotishdan 163,1 million sterling daromad topishgan. Shu tariqa, «Siti»ning sof zarari 402,55 million funtni tashkil qilgan.

Ta’kidlash lozim, «Manchester Yunayted»ning transferlardan xuddi shunday zarari 368,65 millionni tashkil qilgan bo‘lsa, qolgan jamoalarniki quyidagicha bo‘lgan: «Arsenal» – 205,89 million, «Chelsi» – 192,3 million,  «Liverpul» – 121,52 million, «Tottenxem» – 1 million.

So‘nggi besh yil ichida «Manchester Siti» ikki marta Angliya chempionligini qo‘lga kiritdi: 2011/12 va 2013/14 yilgi mavsumlarda.