"The Daily Mail" тадқиқот олиб бориб, Англия Премьер-лигаси клубларининг сўнгги йиллардаги трансфер фаолиятига баҳо берди.

Англияда трансферлар учун энг кўп пул сарфлаётган клуб «Манчестер Сити» экани аниқ бўлди. "Шаҳарликлар" сўнгги 5 йил давомида футболчи сотиб олиш учун 565,65 миллион фунт стерлинг миқдорида маблағ сарф қилишган бўлса, ўйинчи сотишдан 163,1 миллион стерлинг даромад топишган. Шу тариқа, «Сити»нинг соф зарари 402,55 миллион фунтни ташкил қилган.

Таъкидлаш лозим, «Манчестер Юнайтед»нинг трансферлардан худди шундай зарари 368,65 миллионни ташкил қилган бўлса, қолган жамоаларники қуйидагича бўлган: «Арсенал» – 205,89 миллион, «Челси» – 192,3 миллион,  «Ливерпуль» – 121,52 миллион, «Тоттенхэм» – 1 миллион.

Сўнгги беш йил ичида «Манчестер Сити» икки марта Англия чемпионлигини қўлга киритди: 2011/12 ва 2013/14 йилги мавсумларда.