«Obod»ning bosh jamoasidan keyin o‘rinbosarlar tarkibi ham yangi mavsumga tayyorgarlikni boshladi.
O‘tgan mavsumning ikkinchi qismida yoshlar jamoasini boshqargan Bobur Zuhriddinov klub bilan xayrlashgach, o‘rinbosarlar tarkibiga yangi bosh murabbiy tayinlandi. Bir necha yil "Bunyodkor" klubida faoliyat ko‘rsatgan Vyacheslav Tigay endi "Obod" jamoasi o‘rinbosarlari bilan ishlaydi.
Hozirda o‘tgan mavsum o‘rinbosarlar safida to‘p surgan futbolchilar bilan bir qatorda yangi o‘yinchilar ham sinovdan o‘tkazilmoqda. Yoshlar indinga, juma kuni o‘zining ilk rasmiy o‘rtoqlik uchrashuvini o‘tkazadi. Raqib poytaxtning "NBU-Osiyo" jamoasi bo‘ladi.
