«Обод»нинг бош жамоасидан кейин ўринбосарлар таркиби ҳам янги мавсумга тайёргарликни бошлади.

Ўтган мавсумнинг иккинчи қисмида ёшлар жамоасини бошқарган Бобур Зуҳриддинов клуб билан хайрлашгач, ўринбосарлар таркибига янги бош мураббий тайинланди. Бир неча йил "Бунёдкор" клубида фаолият кўрсатган Вячеслав Тигай энди "Обод" жамоаси ўринбосарлари билан ишлайди.

Ҳозирда ўтган мавсум ўринбосарлар сафида тўп сурган футболчилар билан бир қаторда янги ўйинчилар ҳам синовдан ўтказилмоқда. Ёшлар индинга, жума куни ўзининг илк расмий ўртоқлик учрашувини ўтказади. Рақиб пойтахтнинг "НБУ-Осиё" жамоаси бўлади.